मानव बेचबिखन गरेको आरोपमा चितवनबाट एक महिला पक्राउ
मंगलबार, साउन ०३, २०७९ | १३:३२:३१
चितवन : मानव बेचबिखन गरेको आरोपमा चितवनबाट एक महिललाई प्रहरीले पक्राउ गरेको छ । पक्राउ पर्नेमा तनहुँ पोखरीभञ्याङ गाउँपालिका–५ की ४० वर्षीया कल्पना महरा रहेको जिल्ला प्रहरी कार्यालय चितवनले जनाएको छ ।
कार्यालयका सूचना अधिकारी नरहरि अधिकारीका अनुसार भरतपुर महानगरपालिका–१ मा कल्पना होटल एण्ड गेष्टहाउस संचालन गर्दै आएकी महरालाई पक्राउ गरिएको हो ।
महराले २२ वर्षीया युवतीलाई ललाइफकाइ अनैतिक कार्य गराई मानव बेचबिखन तथा ओसारपसार कार्य गरेको आरोपमा पक्राउ गरिएको उनले जानकारी दिए । उनका अनुसार पक्राउ परेकी उनलाई मानव बेचबिखन तथा ओसारपसार मुद्दामा म्याद थप गरी अनुसन्धान सुरु गरिएको कार्यालयले जनाएको छ ।