भक्तपुरको सल्लाघारीमा रुख ढलेर बस र स्कुटरलाई किच्दा ३ जनाको मृत्यु
आइतबार, साउन ०८, २०७९ | १५:३४:०७
भक्तपुर : भक्तपुरको सल्लाघारीमा रुख ढलेर बस र स्कुटरलाई किच्दा ३ जनाको मृत्यु भएको छ । त्यस्तै उक्त दुर्घटनामा १२ जना घाइते भएका छन् ।
भक्तपुर नगरपालिका–१ सल्लाघारीस्थित ग्रिनल्याण्ड होटल गेट अगाडि गुडिरहेको बस र स्कुटरलाई सल्लाको रुख ढलेको च्यापेको थियो । दुर्घटनामा परेर घाइते भएका १२ जनाको उपचार भइरहेको प्रहरीले जनाएको छ ।
काठमाडौंबाट भक्तपुरको दूधपाटीतर्फ जाँदै गरेको बा २ ख ३५८४ नम्बरको बसमा सवार २ जना र बा ६१ प ३९७८ नम्बरको स्कुटरमा सवार १ जनाको मृत्यु भएको उपत्यका ट्राफिक प्रहरी कार्यालयले जनाएको छ । मृत्यु हुनेमा भक्तपुर नगरपालिका–२ ब्यासी घर भएका २३ वर्षीय विशेष खर्बुजा छन् । अरु दुई जनाको परिचय खुलेको छैन ।
यो खबर पढेर तपाईलाई कस्तो महसुस भयो ?
ट्रेन्डिङ
सम्बन्धित खबर
