ट्रकले ठक्कर दिँदा स्कुटर चालकको मृत्यु

सुनसरी : सुनसरीमा ट्रकले ठक्कर दिँदा स्कुटर चालकको मृत्यु भएको छ । सुनसरीको इटहरी उपमहानगरपालिका–१२ रिलायसमा आज बिहान ट्रकले स्कुटरलाई ठक्कर दिँदा  मोरङको पथरी शनिश्चरेका २१ वार्षीय रुपेश दाहालको मृत्यु भएको प्रहरीले जनाएको छ ।

दुर्घटनामा गम्भीर घाइते भएका उनको उपचारका क्रममा विराट शिक्षण अस्पतालमा मृत्यु भएको हो। दुर्घटनामा एक जना घाइते भएका छन्। स्कुटरमा पछाडी सवार मोरङकै सुन्दरहरैंचा–३ गछीयाका २१ वर्षीय मनिस निरौलाको सोही अस्पतालमा उपचार भइरहेको छ।

इटहरीबाट खनारतर्फ जाँदै गरेको को १ ख ३९६८ नम्बरको ट्रकले सोही दिशातर्फ जाँदै गरेको प्रदेश १–०२–०४३ प १०६४ नम्बरको स्कुटरलाई आज बिहान सवा ७ बजे ठक्कर दिएको थियो।

ट्रकसहित चालकलाई इलाका प्रहरी कार्यालय इटहरीले नियन्त्रणमा लिएको छ।