काभ्रे कोरोना अपडेट : ६ जनामा संक्रमण, १९ जना संक्रमणमुक्त
शुक्रबार, साउन १३, २०७९ | २१:२७:२०
काभ्रे : पछिल्लो २४ घण्टामा काभ्रेमा थप ६ जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ । कार्यालयका अनुसार जिल्लामा १९ जनाको उपचारपछि संक्रमणमुक्त भएका छन् ।
पछिल्लो २४ घण्टामा १६ जनामा गरिएको परीक्षणमा ६ जना संक्रमण पुष्टि भएको जिल्ला स्वास्थ्य कार्यालय काभ्रेका प्रमुख डा.पुरुषोत्तम राज सेढाईँले जानकारी दिए । उनका अनुसार जिल्लामा अहिले ४१ जना महिला र २८ जना पुरुष गरी ६९ जना सक्रिय संक्रमित रहेका छन् ।
पछिल्लो समय देशभर कोरोना संक्रमितको संख्यामा बृद्धि भएसँगै स्वास्थ्य सुरक्षाका मापदण्डको पालना गर्न जिल्ला स्वास्थ्य कार्यालय काभ्रेले अनुरोध गरेको छ ।
यो खबर पढेर तपाईलाई कस्तो महसुस भयो ?
