राहदानीको लागि भोलिदेखि अनलाइन आवेदन बिहान ११ बजेबाट खुल्ला हुने
सोमबार, साउन १६, २०७९ | १६:०७:५७
काठमाडौँ : राहदानी विभागले ई पासपोर्टको लागि अनलाइन आवेदन भोलिदेखि बिहान ११ बजेबाट खुल्ला गर्ने भएको छ ।
विभागले आज एक सूचना प्रकाशित गर्दै राहदानीको लागि अनलाइन आवेदन भोलिदेखि बिहान ११ बजेबाट खुल्ला हुने बारे जानकारी गराएको हो । साँझ साढे चार बजेपछि खुलाउँदै आएको अनलाइन आवेदन भोलिदेखि बिहान ११ बजेबाट खुलाउने विभागले जनाएको हो ।
यो आवेदन प्रि इनरोलमेन्टको लागि हो । विभागले दैनिक २४ सय जनाको लागि प्रि इनरोलमेन्ट खोल्छ । प्रि इनरोलमेन्ट गरिसकेपछि प्राप्त मितिमा राहदानी विभागमा पुग्नुपर्छ ।
यस्तै दैनिक २४ सय जनाको कोटा पनि बढाउने विभागले जनाएको छ ।
यो खबर पढेर तपाईलाई कस्तो महसुस भयो ?
ट्रेन्डिङ
सम्बन्धित खबर
