मोटरसाइकल अनियन्त्रित भई रुखमा ठोकिएर दुर्घटना हुदाँ दुई जनाको मृत्यु
बुधबार, साउन १८, २०७९ | १३:२६:२३
कपिलवस्तु : कपिलवस्तुमा मोटरसाइकल अनियन्त्रित भई रुखमा ठोकिएर दुर्घटना हुदाँ दुई जनाको मृत्यु भएको छ ।
बुधवार बिहान करिब ९ बजे बाणगंगा २ पिपराको मेचकुरीबाट लखन चोक आउँदै गर्दा गोवडीहवामा मोटरसाइकल अनियन्त्रित भई रुखमा ठोकिएर दुर्घटना हुदाँ दुई जनाको मृत्यु भएको इलाका प्रहरी कार्यालय पिपराले जनाएको छ ।
लु ६४ प ५७६२ नम्बरको मोटरसाइकल अनियन्त्रित भई रुखमा ठोकिँदा मोटरसाइकल चालक बाणगंगा २ पिपराका २५ वर्षीय रमेश वि.क र मोटरसाइकलमा पछाडि सवार २७ वर्षीय गोपाल वि.कको मृत्यु भएको इलाका प्रहरी कार्यालय पिपराका प्रमुख दीपक बाबु के.सीले जानकारी दिए ।
दुर्घटनामा गम्भीर घाइते भएको दुवै जनालाई लुम्बिनी प्रादेशिक अस्पतालले मृत घोषणा गरेको इलाका प्रहरी कार्यालय पिपराले जनाएको छ ।
यो खबर पढेर तपाईलाई कस्तो महसुस भयो ?
ट्रेन्डिङ
सम्बन्धित खबर
