‘झिँगेदाउ’को ट्रेलर सार्वजनिक : फिल्म भदौ १७ गते प्रर्दशन हुने
काठमाडौँ : नेपाली फिल्म ‘झिँगेदाउ’को ट्रेलर सार्वजनिक भएको छ । केकी अधिकारी र आँचल शर्माको मुख्य भूमिका रहेको फिल्म ‘झिँगेदाउ’को ट्रेलर आज (आइतबार) सार्वजनिक गरिएको हो ।
फिल्ममा केकी अधिकारीले जेठानी र आँचलले देउरानीको भूमिका निर्वाह गरेका छन् । मुकुस भुसाल र कुशल विष्टले दुवैको श्रीमानको भूमिका निर्वाह गरेका छन् ।
ज्ञानेन्द्र देउजा निर्देशित फिल्म भिमनिधी तिवारीको यही नामको कथामा आधारित रही निर्माण गरिएको हो । कथालाई पटकथामा रुपान्तरण गर्ने काम प्रदीप भारद्धाजले गरेका हुन् ।
विष्णु घिमिरे ‘कल्पित’ले खिचेको फिल्ममा संगम भण्डारी, विजय देउजा, आयन खड्का, अभयराज बरालको पनि अभिनय छ । फिल्ममा अर्जुन पोखरेलको संगीत, रोशन श्रेष्ठको एक्सन, मित्रदेव गुरुङको सम्पादन छ ।
सुलभ प्रतीक देउजा र समीक्षा देउजाले निर्माण गरेको फिल्ममा सुशील दाहाल र इश्वर घिमिरेको सहनिर्माण छ । फिल्म भदौ १७ गते प्रर्दशन हुदैँछ ।
‘झिँगेदाउ’को ट्रेलर हेर्नुहोस् :
यो खबर पढेर तपाईलाई कस्तो महसुस भयो ?
