सासूलाई कुटपिट गर्ने दुई बुहारी प्रहरीको नियन्त्रणमा

अछाम : सासूलाई कुटपिट गर्ने दुई बुहारीलाई प्रहरीले नियन्त्रणमा लिएको छ । अछामको पञ्चदेवल विनायक नगरपालिका–६ की ५० वर्षीया मानसिक सन्तुलन गुमाएकी जैसरा न्यौपानेलाई कुटपिट गरेको आरोपमा उनकी दुई बुहारीलाई प्रहरीले पक्राउ गरेको हो । प्रहरीले कुटपिट गर्ने बुहारीको नाम सार्वजनिक गरेको छैन ।

सासुमाथि अभद्र व्यवहार गर्दै कुटपिट गरेको श्रव्यदृश्य (भिडियो) सामाजिक सञ्जालमा सार्वजनिक भएपछि घटनाको अनुसन्धान गर्न न्यौपानेका दुई बुहारीलाई पक्राउ गरिएको प्रहरी निरीक्षक कैलाश विष्टले जानकारी दिए।

उनका अनुसार सार्वजनिक भएको भिडियोमा उनीहरुले न्यौपानेलाई यातना दिँदै लछारपछार गरेको देखिन्छ । स्थानीयवासीका अनुसार मानसिक सन्तुलन गुमाएकी न्यौपाने बोल्न सक्दिनन् ।