बारा : बारामा मिटर ब्याजीविरुद्ध ४५ वटा उजुरी परेको छ । गृहमन्त्रालयले उजुरी दिन सार्वजनिक सूचना आह्वान गरेसँगै जिल्ला प्रशासन कार्यालय बारामा मिटर ब्याजीविरुद्ध ४५ वटा उजुरी परेको हो ।
जिल्लको नाम चलेका व्यावसायिक बजार क्षेत्र र सिमावर्ती बजारका विभिन्न स्थानबाट मिटर ब्याजका पीडितले जिल्ला प्रशासनमा उजुरी दर्ता गराएका हुन् ।
मन्त्रालयले सूचना जारी गरेसँगै यसअघि मिटर ब्याजीहरुको दवावमा रहेका ऋणीहरुले न्यायका लागि उजुरी दर्ता गराएका हुन् । दर्ता भएका उजुरीमध्ये कलैयाबाट १२, जितपुर सिमराबाट ९, गढीमाइबाट ९, सिम्रौनगढबाट ६, पर्सौनीबाट ४ र बाँकी कोहल्बीलगायतका पालिकाको बजार क्षेत्र रहेका छन् ।
जिल्लाको जितपुर, सिमरा, कलैया, कोहल्बी, बरीयारपुर, सिम्रौनगढलगायतका बजारमा मिटरब्याजीको बढ्दो चलखेल र अबैध कारोबार हुने गरेको यसअघि प्रहरी अनुसन्धानले देखाएको थियो । बाराको कलैया, जितपुर, सिमरा, कोहल्बीका नाम चलेका मिटर ब्याजीहरुले तस्करमा लगानी गर्ने गरेका छन् ।
