रोमानिया पठाईदिन्छु भन्दै रकम ठगी गर्ने नमोबुद्ध–४ की एक युवती पक्राउ
बुधबार, भाद्र १५, २०७९ | ११:०७:५२
काभ्रे : रोमानिया पठाईदिन्छु भन्दै रकम ठगी गरेको अभियोगमा प्रहरीले काभ्रेको एक युवतीलाई प्रहरीले पक्राउ गरेको छ । पक्राउ पर्नेमा जिल्लाको नमोबुद्ध नगरपालिका वडा नं ४ घर हाल भक्तपुरको सूर्यबिनायक नगरपालिका वडा नं ५ बस्दै आएकी २० वर्षीया पुन माया श्रेष्ठ रहेकी छिन् ।
प्रहरीका अनुसार श्रेष्ठले श्रीया सुवेदीसहितका व्यक्तिलाई रोमानिया पठाएर रोजगारी लगाइदिने प्रलोभन देखाए १७ लाख ७५ हजार रुपियाँ लिएर सम्पर्क विहीन भएकी थिइन् । रोमानियामा फुड प्याकिङको काम लगाइदिन्छु भनेर श्रेष्ठले ६ लाखका दरले रकम उठाएकी थिइन् । पीडितहरूले श्रेष्ठविरुद्ध उजुरी दिएपछि प्रहरीले पक्राउ गरेको जनाएको छ ।
वैदेशिक रोजगारीको ठगी अभियोगमा कोटेश्वरबाट प्रहरीले श्रेष्ठलाई पक्राउ गरेर भदौ १३ गते थप कारबाहीका लागि वैदेशिक रोजगार विभाग, बुद्धनगर पठाइएको विज्ञप्तिमा उल्लेख छ ।