भरुवा बन्दुकसहित लमजुङबाट एक युवक पक्राउ

लमजुङ : भरुवा बन्दुकसहित लमजुङबाट एक युवकलाई प्रहरीले पक्राउ गरेको छ । पक्राउ पर्नेमा लमजुङको क्वोहोलासोथर गाउँपालिका ८ घाम्राङ घर भई वडा नम्बर ९ साल्मे बस्ने बर्ष २७ का यमबहादुर रानामगर रहेका छन् । उनकोे साथबाट प्रहरीले दुई थान भरुवा बन्दुक बरामद गरिएको जिल्ला प्रहरी कार्यालय लमजुङले जानकारी दिएको छ ।

अवैध भरुवा बन्दुक लुकाई छिपाई राखेको तथा स्थानीय मानिसहरुलाई धाक धम्की दिने गरेको भन्ने विषेश सूराकको आधारमा प्रहरी टोलीले १ थान लोड गरेको र १ थान अनलोड गरेको अवस्थामा २ थान भरुवा बन्दुकसहित नियन्त्रणमा लिइएको जिल्ला प्रहरी कार्यालय लमजुङका प्रहरी प्रमुख प्रहरी उपरीक्षक प्रकाश श्रीमलले जानकारी दिए।

उनका अनुसार पक्राउ परेका राना मगरलाई जिल्ला अदालत लमजुङबाट हातहतियार तथा खरखजना सम्बन्धी कसूरमा ७ दिन म्याद थप अनुमति लिई थप अनुसन्धान कार्य भइरहेको छ ।