नियन्त्रित औषधी सहित उदय मेडिकल हल बनेपाका सञ्चालक पक्राउ

काभ्रे : नियन्त्रित औषधी सहित बनेपाका एक फार्मेसी सञ्चालक पक्राउ परेका छन् । पक्राउ पर्नेमा बनेपा नगरपालिका वडा नं ८ स्थित उदय मेडिकल हलका सञ्चालक सत्यश्वर मकै रहेका छन् ।

सत्यश्वर मकैले सञ्चालन गर्दै आएको उदय मेडिकल हलमा नियन्त्रित औषधी बिना प्रेस्कृप्सन बेचबिखन भईरहेको छ भन्ने विशेष सूचनाको आधारमा जिल्ला प्रहरी कार्यालय र ईलाका प्रहरी कार्यालय बनेपा काभ्रेपलाञ्चोकबाट खटिएको प्रहरी अधिकृत सहितको टोलीले पक्राउ गरेको जिल्ला प्रहरी कार्यालय काभ्रेले जनाएको छ ।

कार्यालयका अनुसार भदौ १७ गते नियन्त्रित औषधीहरु सहित संचालकलाई नियन्त्रणमा लिई थप अनुसन्धान एवं कारवाहीको लागि भदौ १९ गते औषधी व्यवस्था विभाग बिजुली बजार पठाइएको छ ।