काठमाडौं : छैटौँ संस्करणको महिला साफ च्याम्पियनसी फुटबल अन्तर्गत उद्घाटन खेलमा नेपालले भुटानलाई ४–० गोलअन्तरले पराजित गरेको छ ।
नेपालका लागि सावित्रा भण्डारीले १२औँ मिनेटमा गोल गर्दै अग्रता दिलाइन्। सावित्रा ६३औं मिनेटमा दोस्रो गोल गरेकी थिइन्। त्यस्तै अनिता बस्नेतले ७२औं र ८४औं मिनेटमा गोल गरेकी थिइन्।
साफ च्याम्पियनसीपमा आयोजक नेपालसहित भारत, बंगलादेश, श्रीलंका, पाकिस्तान, माल्दिभ्स र भुटान सहभागी छन्। सहभागी सातवटै राष्ट्रलाई दुई समूहमा विभाजन गरिएको छ।
समूह ‘ए’ मा भारत, पाकिस्तान, बंगलादेश र माल्दिभ्स र समूह ‘बी’ मा नेपालसहित श्रीलंका र भुटान छन्।
सिफारिस
