पर्सामा मोटरसाइकलको ठक्करबाट पदैलयात्रीको मृत्यु
पर्सा : पर्सामा मोटरसाइकलको ठक्करबाट एक जना पदैलयात्रीको मृत्यु भएको छ । मृत्यु हुनेमा पटेर्वासुगौली गाउँपालिका वडा नं १ की ४५ वर्षीया फूलमती देवी खातुन रहेकी छिन् ।
आइतबार राति साढे ९ बजे पटेर्वासुगौली गाउँपालिका वडा नं १ स्थित सडकमा प्रदेश २–०३–२१ प ९३०० नम्बरको मोटरसाइकलको ठक्करबाट खातुनको मृत्यु भएको इलाका प्रहरी कार्यालय पटेर्वासुगौलीले जनाएको छ ।
कार्यालयका अनुसार मोटरसाइकलको ठक्करबाट गम्भीर घाइते अवस्थामा रहेकी फूलमती देवी खातुनको उपचारको क्रममा नारायणी अस्पताल वीरगन्जमा मृत्यु भएको हो । दुर्घटनापछि इलाका प्रहरी कार्यालयको टोलीले उनलाई उपचारका लागि नारायणी अस्पताल वीरगन्जमा पुर्याएको थियो । साथै उपचारकै क्रममा राति साढे ११ बजे उनको मृत्यु भएको थियो ।
दुर्घटनापछि मोटरसाइकल र चालक पटेर्वासुगौली–१ कै ३५ वर्षीय मनोज कुमार यादवलाई प्रहरीले नियन्त्रणमा लिई अनुसन्धान गरिरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
ट्रेन्डिङ
सम्बन्धित खबर
