काठमाडौं : काठमाडौं महानगरपालिकाले मनोरञ्जन कर बुझाउन ताकेता गरेपनि दुई वटा क्यासिनोले भने अझै पनि कर बुझाएका छैनन् । र्याडिसन होटलमा सञ्चालित क्यासिनो र्याट र याक एन्ड यतीमा सञ्चालित रोयल क्यासिनोले कर नतिरेको काठमाडौ महानगरपालिकाले जनाएको छ ।
मनोरञ्जन कर बुझाउन दुवै क्यासिनोलाई पत्राचार गरिए पनि सम्पर्कमै नआएको महानगरको राजस्व विभागले जनाएको छ । दुवै क्यासिनो हाल सञ्चालनमा नरहेको महानगरको भनाइ छ ।
