पाल्पामा साखर्दी खोलाले बगाएर एक जना मृत्यु

पाल्पा : पाल्पामा साखर्दी खोलाले बगाएर  एक जना मृत्य भएको छ । शुक्रबार बेलुकादेखि बेपत्ता भएका निस्दी गाउँपालिका-१, बाँकामलाङ, अर्मलाङका ३९ वर्षीय टकबहादुर बराई मगर शनिबार मृत अवस्थामा फेला परेको जिल्ला प्रहरी कार्यालय पाल्पाले जनाएको छ ।

निस्दी गाउँपालिका–२, सुकेकोटमा ससुराली गएर फर्किने क्रममा स्थानीय साखर्दी खोलाले बगाएर बराई मगर बेपत्ता भएका जिल्ला प्रहरी कार्यालय पाल्पाका प्रहरी नायब उपरीक्षक वीरेन्द्र थापाले बताए ।

उनका अनुसार बराई मगर स्थानीय चकल्दी खोला किनारमा मृत भेटिएको बेपत्ता बराई मगरको स्थानीय बासिन्दा र प्रहरीले खोजी गरेका थिए ।