अर्घाखाँच । अर्घाखाँचीको शितगंगा नगरपालिकाले घरमै पुगेर गर्भवती महिलाको स्वास्थ्य परीक्षण शुरु गरेको छ । नगरका १४ वटै वडामा जनप्रतिनिधि, चिकित्सकसहितको स्वास्थ्यकर्मीको टोलीले २ सय १० जना गर्भवतीको स्वास्थ्य जाँच गरेको छ ।
उनीहरुलाई चाउचाउलगायतका जंगफुड नखाई पोषणतत्व माछामासु, अण्डा, दूध, दही, फलफुल, भटमास लगायतका खानेकुरा खान सल्लाह स्वस्यकर्मीले दिने गरेको शितगंगा नगरप्रमुख छविलाल पौडेलले बताए ।
गरिबीका कारण पनि नियमित स्वास्थ्य जाँच गराउन नपाएर गर्भवतीको अकालमै ज्यान जाने खतरा नहोस् भनेर गर्भवती खोज्दै गाउँ पुगेको नगर उपप्रमुख गिता भाट्ले बताइन् ।
