‘जनतासंग माओवादी : विशेष रुपान्तरण अभियान’ काभ्रेको कमाण्डरमा धावा

काभ्रे । नेकपा (माआवादी केन्द्र) ले सञ्चालन गरेको ‘जनतासंग माओवादी : विशेष रुपान्तरण अभियान’को कमाण्ड गर्ने जिम्मा पार्टी केन्द्रिय सदस्य धावा लामालाई दिएको छ ।

भदौ १६ गते सुरु भएको अभियान अन्तर्गत तीन महिनासम्म चल्ने अभियानको लागि उहाँले काभ्रेपलाञ्चोक जिल्लामा बसेर नेतृत्व गर्ने भएको छ । अभियानको लागि नमोबुद्ध नगरपालिकामा नेतृत्व गर्दै आएका उनले आज बनेपामा प्रेस सेन्टर नेपाल काभ्रेपलाञ्चोकका पत्रकारहरुसंग अन्तक्र्रियामा बोल्दै अभियानभरिमा जिल्लामा के कस्तो कार्यक्रम र गतिविधिहरु सञ्चालन भईरहेको छ, उपलब्धी, चुनौती, सम्भावना र समस्या पहिल्याएर पार्टी निर्माण तथा पुनरगठन गर्दै तीन महिने अभियान सम्पन्न गर्नुपर्ने दायित्व रहेको उनले बताए ।

‘अभियानको क्रममा समन्वय गर्ने, संगठन परिचालन सम्पर्क गर्ने र भएको गतिविधिको केन्द्रमा रिपोर्टीङ गर्ने जिम्मा मेरो हुनेछ ।’ उनले भने, ‘सो क्रममा पार्टी संगठन मार्फत जनताको बीचमा जाने, पार्टीको र जनतासंगको सम्बन्ध के कस्तो छ भन्ने विषयमा अध्ययन गर्दै सम्बन्ध सुदृढिकरणको काममा केन्द्रित हुनेछौं ।’

अभियानको क्रममा पार्टीदेखि नेताको सम्बन्ध, उसले गरेको कामको प्रभावकारीताम, जनबर्गिय संगठन र मोर्चाको अवस्थालाई समेत सक्रिय बनाउने जिम्मेवारी रहने उनले बताए । त्यस क्रममा भएका राम्रो सम्बन्धलाई निरन्तरता दिदै थप सुदृढिकरण गर्ने र देखापरेका समस्याहरुमध्ये मिलाउन सक्नेसम्मको मिलाउने र नसकेका जटिल विषय रहेको बारेमा पार्टीको केन्द्रीउ कार्यालयमा रिपोर्ट पठाउने काममा केन्द्रित हुने नेता लामाले बताए ।

अहिले नेकपा (माओवादी केन्द्र)ले जिल्लाका सबै पालिकाको वडा–वडा र टोल–टोलमा केन्द्रित भई पार्टीको विभिन्न गतिविधिहरु सञ्चालन गर्नुका साथै जनतासंग जोडेर जनताको काममा सिर्जनात्मक सहयोगका कामहरु तथा विकास निर्माणको काममा श्रमदान गर्ने लगायतका काममा केन्द्रित भएर काम गरिरहेको नेकपा (माओवादी केन्द्र) काभ्रेले जनाएको छ ।

यसैबीच नेता लामाले अभियानको क्रममा पार्टीबाट निर्वाचित जनप्रतिनिधिहरुले गरिरहेको गतिविधि, त्यसको अवस्था, कार्यान्वयनको स्थिति तथा पार्टी र जनताबीचको सम्बन्धको अवस्थाबो बारेमा समेत समित क्षा गर्दै भएको सकारात्मकको कामको निरन्तरता र भएको कमजोरीलाई सच्याएर गर्नुपर्ने दायित्वलाई सुधार गर्ने प्रतिबद्धतासहितको अभियान सञ्चालन गर्न पार्टीका अर्का नेता नारायण दाहालको संयोजकत्वमा ५ सदस्यीय समितिले काम गर्ने उनले बताए ।

नेकपा (माओवादी केन्द्र) काभ्रेपलाञ्चोकको जिल्ला समन्वय समितिका सचिव दैवलाल घिसिङले जिल्लाको समग्र पालिकाहरुमा सञ्चालन गरिरहेको अभियान राम्रो रहेपनि रोशी गाउँपालिका र मण्डनदे्उपुर नगरपालिका पार्टी कमिटीको गतिविधिमा थप तिब्रता दिन आवश्यक देखिएको बताए ।

त्यसको लागि पार्टीका प्रदेश र केन्द्रिय स्तरका नेताहरुलाई खटाएर भएपनि पार्टीले चलाएको अभियानलाई सुदृढ र मजबुद बनाउने काममा केन्द्रित भएर लागिरहेको उनले बताए । नेकपा (माओवादी केन्द्र) ले नेतादेखि कार्यकर्तासम्म रुपान्तरण हुँदै पार्टी संगठनलाई बलियो बनाउनका लागि ‘जनतासंग माओवादी : बिषेश रुपान्तरण अभियान’ सञ्चालन भईरहेको छ । ‘जनजनमा माओवादी घरघरमा माओवादी’ भन्ने नाराका साथ तीन महिने अभियान थालनी भएपछि अहिले जिल्लाको सबै वडाको टोलटोलमा कार्यक्रम केन्द्रित गरेर कार्यक्रमहरु सञ्चालन गरिरहेको छ ।

यो खबर पढेर तपाईलाई कस्तो महसुस भयो ?

सम्बन्धित खबर

सिफारिस