काठमाडौँ । साहित्यकार प्रेमविनोद नन्दनको निधन भएको छ। आइतबार राति साढे ९ बजेतिर उपचारका क्रममा भरतपुरस्थित चितवन मेडिकल कलेज शिक्षण अस्पतालमा उनको निधन भएको हो।

नन्दनको गीत, गजल र कविता लेखनमा सक्रिय थिए। चार गीति संग्रह, एक लघु काव्य र एक कविता संग्रह प्रकाशित छन्। उनका गीत नेपाली चलचित्रमा पनि समावेश छन् । नन्दनलाई राष्ट्रकवि माधव घिमिरे नेपाली साहित्यका ‘गोल सिमल’ भन्ने गरेका थिए। ​विसं १९९२ साल जेठमा तनहुँ बन्दीपुरमा जन्मेका नन्दन बसाइँ सरेर नारायणगढमा बस्दै आएका थिए।

चितवनको पुरानो सांस्कृतिक संस्था नारायणी कलामन्दिर र दर्जनौँ साहित्यिक संघ संस्थामा नेतृत्व गरिसकेका नन्दन छिन्नलता गीत पुरस्कार, नारायणी प्रज्ञा पुरस्कार लगायतका पुरस्कार र सम्मानबाट सम्मानित श्रष्ठा हुन् ।