काठमाडौं । काठमाडौँ उपत्यकामा उत्पादन हुने रायो सागमा उच्च मात्रामा विषादीको presence पाइएको छ। खाद्य प्रविधि तथा गुण नियन्त्रण विभागले नागार्जुन नगरपालिकाका ६ र ७ नम्बर वडाका (रामकोट) ५ वटा तरकारी फार्ममा विषादी परीक्षण गरेको थियो।
विभागले ५ फार्मका साग र गोलभेँडा गरी १४ वटाका नमूना संकलन गरी मोबाइल खाद्य प्रयोगशाला भ्यानमा जीवनाशक विषादीको अवशेष परीक्षण गरेको थियो। परिणामस्वरूप, ४ वटा फार्मको रायो साग र गोलभेँडा मापदण्डभित्र रहे पनि, एक फार्मको सागमा अत्यधिक विषादी रहेको पाइएको हो।
परीक्षणको क्रममा सक्रिय कृषि तथा पशुपन्छी फार्ममा उत्पादित रायो सागमा अर्गानोफस्फोरस वर्गको विषादी ९९.५२९ प्रतिशत पाइएको थियो।
सरकारले उक्त विषादीको प्रतिशत ३५ प्रतिशतभन्दा कम हुँदा मात्र उपभोगयोग्य मान्ने प्रावधान राखेको छ।
