काभ्रे कोरोना अपडेट : २ जनामा संक्रमण, ६ जना संक्रमणमुक्त

काभ्रे (धुलिखेल) । जिल्लामा आज  थप २ जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ । कार्यालयका अनुसार जिल्लामा आज ६ जनाको उपचारपछि संक्रमणमुक्त भएका छन् ।

पछिल्लो २४ घण्टामा गरिएको ५२ वटा पिसिआर परीक्षणमा २ जनाको रिपोर्ट पोजेटिभ आएको जिल्ला स्वास्थ्य कार्यालय काभ्रेको जानकारी छ । योसँगै जिल्लामा कुल कोरोना संक्रमतिको संख्या १४ हजार ८ सय ५७ पुगेको छ । जसमध्ये १४ हजार ६ सय ४० जनाको उपचारपछि संक्रमणमुक्त भएका छन् ।

जिल्लामा अहिले १० जना महिला र १४ जना पुरुष गरी २४ जना सक्रिय संक्रमित रहेका छन् । अहिलेसम्म काभ्रेका १ सय ९३ जनाको कोरोना संक्रमणका कारण मृत्यु भइसकेको छ ।

जिल्लामा आज १ सय १९ जनाले कोरोना विरुद्धको पहिलो मात्राको भेरोसेल खोप लगाएको कार्यालयले जनाएको छ । कार्यालयका अनुसार १ सय ७९ जनाले आज दोस्रो मात्राको कोरोना विरुद्धको भेरोसेल खोप लगाएका छन् ।