काभ्रे प्रहरीद्वारा विद्यार्थीलाई ‘प्रहरीसँग एक दिन कार्यक्रम’ सञ्चालन
बिहिबार, आषाढ ३०, २०७९ | २०:३४:२०
काभ्रे : जिल्ला प्रहरी कार्यालय काभ्रेले विद्यार्थीलाई ‘प्रहरीसँग एक दिन कार्यक्रम’ सञ्चालन गरेको छ । कार्यालयले आज जिल्लाको धुलिखेल नगरपालिका वडा नं ७ स्थित श्री नमुना संजिवनी उच्च माधामिक विद्यालयको कक्षा १२ मा अध्यनरत विद्यार्थीहरुलाई ‘प्रहरीसँग एक दिन कार्यक्रम’ सञ्चालन गरिएको जिल्ला प्रहरी कार्यालय काभ्रेले जनाएको छ ।
उक्त विद्यालयका विद्यार्थीहरुलाई जिल्ला प्रहरी कार्यालयको आवलोकन भ्रमण गराइएको कार्यालयका सूचना अधिकारी प्रहरी नायब उपरीक्षक हरि खतिवडाले जानकारी दिए ।
उनका अनुसार विद्यार्थीहरुलाई प्रहरीको काम कर्तव्यको बारेमा जानकारी गराउनुका साथै साईवर सुरक्षा, सामजिक संजाल हुने बाट अपराध रोकथाम,कानुनी परामर्श र ट्राफिक सचेतना सम्बन्धी प्रशिक्षण कार्यक्रम गरिएको थियो ।
यो खबर पढेर तपाईलाई कस्तो महसुस भयो ?
