जुवातास खेलिरहेको अवस्थामा सल्यानबाट छ जना पक्राउ

सल्यान : जुवातास खेलिरहेको अवस्थामा सल्यानबाट ६ जनालाई प्रहरीले पक्राउ गरेको छ ।   बागचौर नगरपालिका-२ थारमारे बजारस्थित ईन्द्रेणी होटेलमा जुवातास खेलिरहेको अवस्थामा होटलका संचालक सोही नगरपालिका-३ बस्ने ४१ वर्षीय खुम बहादुर ओली लगायत ६ जनालाई आइतबार दिउँसो प्रहरीले पक्राउ गरेको हो ।

उक्त होटलमा जुवातास खेलिरहेको भन्ने खबर प्राप्त हुनसाथ ईलाका प्रहरी कार्यालय थारमारेबाट खटिएको प्रहरीले उनीहरूलाई नगद ३७ हजार २ सय रूपैयाँ, मोबाइल ८ थान र  ५ गड्डी तास सहित फेला पारी पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।