तास खेलिरहेको अवस्थामा पनौती–३, पुछारेबाट ६ जना पक्राउ

काभ्रे : तास खेलिरहेको अवस्थामा काभ्रेको पनौती नगरपालिका वडा नं ३ स्थ्ति पुछारेबाट ६ जनालाई प्रहरीले पक्राउ गरेको छ ।

इलाका प्रहरी कार्यालय बनेपाको टोलीले पनौती नगरपालिका वडा नं ३ पुछारे स्थित सुरेन्द्र लामाको घरमा जुवा तास खेली अवस्थामा ६ जनालाई आज (बिहीबार) पक्राउ गरेको हो ।

पक्राउ पर्नेमा सुरेन्द्र लामा, सन्जिब तामाङ, रुप बहादुर तामाङ, देव तामाङ, सुरथ लामा र प्रदिप लामा रहेको इलाका प्रहरी कार्यालय बनेपाले जनाएको छ । लामाको घरमा तास खेली रहेको भन्ने गोप्य सूचनाका आधारमा इलाका प्रहरी कार्यालय बनेपाबाट खटिएको अधिकृत सहितको टोलीले उनीहरुलाई पक्राउ गरेको हो ।

तास खेलिरहेको अवस्थामा उनीहरुलाई प्रहरीले रितपुर्वक खानतलासी तथा पक्राउ गरी बिहिबार नै जिल्ला प्रशासन कार्यालय काभ्रेपलाञ्चोकबाट ७ दिन म्याद थप प्रदान भई थप अनुसन्धान भइरहेको प्रहरीले जनाएको छ ।