‘हल्कारा’को टिजर सार्वजनिक
अन्तर्राष्ट्रिय फेस्टिभलहरुमा पुरस्कृत भैसकेको फिल्म ‘हल्कारा’को टिजर सार्वजनिक भएको छ । अमेरिकी फेस्टिभल वल्र्डफेस्ट ह्युस्टन र बाफ्टाको कर्माथान फेस्टिभलमा मनोनित फिल्मलाई अब नेपाली दर्शकले हेर्न पाउने भएका छन् ।
आगामी वैशाख २९ गतेलाई प्रदर्शन मिति घोषणा गर्दै बिहीबार हल्काराको मर्मस्पर्शी टिजर सार्वजनिक गरेका हुन् ।
टिजरमा काव्य शैलीबाट कथा भनिएको छ । फिल्मले हुलाकी पात्रको जीवनको कथा भन्छ । शीर्ष भूमिकामा महेश त्रिपाठी र बिनिता थापा मगरले अभिनय गरेका छन् । रामकृष्ण पोखरेल र विक्रम सापकोटाले निर्माण गरेको फिल्मका निर्देशक विक्रम स्वयं हुन् ।
वल्र्डफेस्ट ह्युस्टन अन्तर्राष्ट्रिय फिल्म फेस्टिभलबाट अभिनेता त्रिपाठीले सर्वश्रेष्ठ अभिनेताको पुरस्कार जितेका थिए । सोही फेस्टिभलमा चिन्तन राजभण्डारीले सर्वश्रेष्ठ छायांकारको उपाधि जितेका थिए । फिल्मको सम्पादनमा केही अन्तर्राष्ट्रिय फिल्म प्राविधिकको पनि संलग्नता रहेको छ ।
यो खबर पढेर तपाईलाई कस्तो महसुस भयो ?
