१७ करोडको कोकिनसहित दुई भारतीय महिला पक्राउ
बिहिबार, चैत्र १६, २०७९ | १४:२१:४३
काठमाडौं । झण्डै ८ किलोग्राम कोकिनसहित दुई भारतीय महिलालाई प्रहरीले पक्राउ गरेको छ ।
प्रहरीको लागू औषध नियन्त्रण ब्यूरोले काठमाडौंबाट नयाँदिल्ली जान लागेकी भल्लालामीलाई १४ चैतमा पक्राउ गरेको छ । उनको साथबाट २ किलो ८८७ ग्राम कोकिन बरामद गरेको छ ।
त्यस्तै १४ चैतमै भारतीय नागरिक इस्टर लालिम्पुरीलाई ठमेलको एक होटलबाट ५ किलो कोकिनसहित पक्राउ गरेको ब्यूरोका प्रवक्ता एसपी चक्रराज जोशीले जानकारी दिए ।
उनीहरु दुबै जनाबाट बरामद भएको कोकिनको मूल्य १७ करोड, ३ लाख ५९ हजार २०० रुपैयाँ रहेको प्रहरीको भनाइ छ ।
यो खबर पढेर तपाईलाई कस्तो महसुस भयो ?
ट्रेन्डिङ
सम्बन्धित खबर
