बजेटमा जनमुखी कार्यक्रम समेट्न अर्थमन्त्रीलाई कांग्रेस सांसदहरूको सुझाव
काठमाडौँ । नेपाली कांग्रेसका सांसदहरूले आगामी वर्षको बजेटमा जनमुखी कार्यक्रमहरू समेट्न सुझाव दिएका छन् । बजेट निर्माणको तयारी भइरहेका बेला त्यसबारे छलफल गर्न सभापति शेरबहादुर देउवाले संसदीय दलको बैठक बोलाएका थिए ।
सोमबार र मंगलबार बसेको दलको बैठकमा बैठकमा सांसदहरूले पार्टी पटक–पटक सरकारमा भए पनि नागरिकमा लामो छाप छोड्ने कार्यक्रम ल्याउन नसकेको भन्दै जनतामा प्रभाव पार्ने खालको कार्यक्रम बनाउन सुझाव राखेका छन् ।
सोमबार र मंगलबारको बैठकमा उठेका सवालहरूमा अर्थमन्त्री प्रकाशशरण महतले जवाफ दिएका थिए भने मुलुकको अर्थतन्त्र, बजेट निर्माण र प्राथमिकताहरूका विषयमा जानकारी गराएका थिए ।
सांसद प्रतिमा गौतमले बैठकमा सांसदहरूले अर्थमन्त्री महतलाई बजेटमा मुलुकको अर्थतन्त्रमा सुधार र नागरिकलाई महसुस हुने खालका योजना र कार्यक्रमहरू समेट्न सुझाव दिएको बताइन् ।
मंगलबारको बैठकमा सांसदहरु तेजुमाल चौधरी, रामनाथ अधिकारी, लीला बोखिम, कुसुम थापामगर, रामकृष्ण यादव, सीता मिजार लगायत सांसदहरुले बोलेका थिए ।
यो खबर पढेर तपाईलाई कस्तो महसुस भयो ?
