बागमती प्रदेशद्धारा पत्रकार महासंघ काभ्रेलाई २० लाख

काभ्रे । बागमती प्रदेश सरकारको आर्थिक बर्ष २०८०/८१ को बजेट भाषण सम्पन्न भएको छ । उक्त बजेट भाषणमा नेपाल पत्रकार महासंघ काभ्रे शाखाको भवनलाइ तल्ला थप्नको लागि २० लाख बजेट छुट्याएको छ ।
बजेट भाषणमा महासंघलाई २० लाख बजेट छुट्याएको महासंघ काभ्रे शाखाका अध्यक्ष बद्रीराज तिमल्सिनाले जानकारी दिए । बागमती प्रदेशका आर्थिक मामिला तथा योजनामन्त्री बहादुर सिंह लामाले प्रस्तुत गरेको बजेट भाषणमा महासंघलाई बजेट छुट्याइएको अध्यक्ष तिमल्सिनाले बताए ।
उनको अनुसार नेपाल पत्रकार महासंघ काभ्रेपलान्चोकको भवन निर्माण (तला थप) गर्न बागमती प्रदेश सरकारले २० लाख बजेट विनियोजन गरेको अध्यक्ष तिमल्सिनाले बताए । उनले भने ‘यसका निम्ति विशेष पहल गर्नुहुने नेपाली कांग्रेसका जिल्ला सभापति एवं खानेपानी, उर्जा तथा सिंचाई मन्त्रि माननीय तिर्थ लामाप्रति विशेष आभार व्यक्त गर्दछु।’ तिमल्सिनाले भने ।
अध्यक्ष तिमल्सिनाले प्रत्यक्ष, अप्रत्यक्ष रुपमा सहयोग गर्नुहुने सबै व्यक्ति र संस्थाहरुमा सिंगो कार्यसमितिको तर्फबाट हार्दिक धन्यवाद व्यक्त गरेका छन । बागमती प्रदेश सरकारले आर्थिक बर्ष २०८०/८१ का लागि ६२ अर्ब ७८ करोड ९० लाख बजेट बिनियोजन गरेको छ ।