मध्यरातमा घरेलु हतियार प्रयोग गरि लुटपाट गर्ने दुई जना पक्राउ
शनिबार, साउन २०, २०८० | ८:४१:४७
काभ्रे । शुक्रबार राति जिल्लाको रोशी गाउँपालिका ५ का गाउँलेहरूले लुटेरालाई घेराहाली पक्राउ गरेर प्रहरीलाई बुझाएका छन् ।
जिल्ला समन्वय समिति काभ्रेका उपप्रमुख रिमबहादुर तामाङका अनुसार शुक्रबार राती साढे ११ बजे रोशी गाउँपालिका ५ डुम्बलस्थित कामीसिङ्ग लामाको घरमा अन्दाजी ३ जना व्यक्तिहरू पसि रड र घरेलु हतियार प्रयोग गरि मुखमा खादा बानी सुन र नागद लुटेर भाग्ने क्रममा उनीहरु लाई गाउँलेले समातेका हुन् ।
घटनामा संलग्न रोशी गाउँपालिका वडा ६ नवलका बुद्ध घिसिङ र रोशि गाउपालिका ८ खार्पाचोक घर बताउने अर्का ब्यक्ति लाई उनीहरुले प्रयोग गरेको मोटर साइकल र स्कुटर समेत गाउँलेहरुले नयिन्त्रणमा लिएका थिए ।
उनीहरुलाई प्रहरी चौकी कटुन्जेबेसीलाई जिम्मा लगाएको बताएका छन् । घटनामा घाइते भएकाहरुको पनि उपचार भइरहेको उपप्रमुख तामाङले बताएका छन् ।
यो खबर पढेर तपाईलाई कस्तो महसुस भयो ?
