मिस युनिभर्स नेपालका अन्तिम प्रतिस्पर्धीहरूबीच प्रश्नोतर

काठमाडौँ । एसियन पेन्ट मिस युनिभर्स नेपालका २०२३ का अन्तिम २२ जना प्रतिस्पर्धीहरूबीच प्रश्नोतर कार्यक्रम सम्पन्न भएको छ । काठमाडौँमा आयोजित कार्यक्रममा आज अन्तिम २२ प्रतिस्पर्धीहरूबीच जजहरूले प्रश्नोतर गरेका हुन् । प्रारम्भिक प्रश्नोत्तर सेसनमा जजका रूपमा आरोही रविराज उपल मजुमदार, सन इन्टरनेशनलका प्रबन्ध निर्देशक तथा नेपाल इक्वेस्ट्रियन एसोसिएसनका अध्यक्ष रविराज कर्णिकर, नेपाल टेलिकम प्रमुख वाणिज्य अधिकृत संगिता पहाडी, मेराकी नेपालका संस्थापक निर्देशक, आयुषा कार्की श्रेष्ठ, नेपाल पर्यटन बोर्ड वरिष्ठ निर्देशक नन्दिनी थापा, नारी पत्रिका प्रमुख सम्पादक उपासना घिमिरे, कान्तिपुर टेलिभिजनकी समाचार बाचिका श्री पाण्डे र अभिनेता तथा मिस युनिभर्स नेपाल २०२३ का अफिसियल कोरियोग्राफर प्रशान्त ताम्राकार रहेका थिए ।

उनीहरूले प्रतिस्पर्धीहरूलाई मिस युनिभर्सको प्याटफमलाई कसरी लिएको र समाज परिवर्तन सँगसँगै सामाजिक, राजनीति, आर्थिक विषयमा प्रश्नोतर गरेका थिए । प्रश्नोतर सेसनमाबाट प्राप्त प्राप्तांक र भोटिङ मार्फत प्रतिस्पर्धीहरूले पाएको स्कोरका आधारमा फिनालेमा उत्कृष्ट १० जना प्रतिस्पर्धीहरू सार्वजनिक गरिने र २२ जना प्रतिस्पर्धीहरूबाट एक जना विजेता घोषणा गरिने उमंग क्रियसनका डाइरेक्टर उद्धव अधिकारीले जानकारी दिए । उनले, विगत तिन वर्षदेखि प्रशान्त ताम्राकारकै कन्सेप्ट सँगसँगै कोरियोग्राफिमा मिस युनिभर्सको आयोजना हुदैँ आएको र चौथो वर्ष पनि ताम्राकारकै कोरियोग्राफिमा प्रतिस्पर्धीहरू सार्वजनिक गरिएको बताए ।

प्रशान्त ताम्राकारको कोरियोग्राफि तथा कन्सेप्ले नै मिस युनिभर्स नेपाललाई आज नेपालको सबैभन्दा प्रतिष्ठित व्युटि शो का रूपमा स्थापित गरेको अधिकारीले बताए । यो सेसन मिस युनिभर्सको फर्म्याट अनुसार नै अगाडि बढाइएको समेत उनले जानकारी दिए । एसियन पेन्ट मिस युनिभर्सको अन्तिम २२ जना प्रतिस्पर्धीका रूपमा प्राप्ति खड्का, सबिना चौधरी, चनेल श्रेष्ठ, प्रेमा लामगडे, डा. पुजा भगत, रोजिना काफ्ले, गरिमा घिमिरे, पलिष्ट बज्राचार्य, डा। अमिषा बस्नेत, संस्कृति क्षेत्री कार्की, तृष्णा बाँनिया, बुद्धसार सुनार, पुजा पौडेल, जेन दीपिका ग्यारेट, मनिता पासवान, सुष्मा आरएल शाही, अभिलाषा लम्साल, एलिस्टा सुवेदी, मौसमी श्रेष्ठ रहेका छन् ।

‘एसियन पेन्ट्स मिस युनिभर्स नेपाल २०२३’ को फाइनल भदौँ २३ गते गोदावरीको कन्फेन्स सेन्टरमा आयोजना हुदैँछ । २२ जना अन्तिम प्रतिस्पर्धीहरू मध्येबाट विजेताले नोवेम्बरमा एलसाल्वा डोरमा हुने मिस युनिभर्समा नेपाललाई नेपालको तर्फबाट प्रतिनिधित्व गर्ने छिन् ।

यो खबर पढेर तपाईलाई कस्तो महसुस भयो ?

सम्बन्धित खबर

सिफारिस