‘युओजी’बाट कमब्यक गर्दै सलिनमान

काठमाडौँ । अभिनेता सलिनमान बनियाँ फिल्म फिल्म ‘युओजी’बाट कमब्यक गर्ने भएका छन् ।

मंगलबार निर्माण घोषणा भएको फिल्म युओजी ः युनिभर्सिटी अफ गुण्डाजमा उनको मुख्य भूमिका रहने भएको हो । निर्माण युनिटले फिल्मको एक थिम पोस्टर सार्वजनिक पनि गरेको छ । जसमा अभिनेता सलिन र सलोन बस्नेतलाई एक्सन मुडमा देख्न सकिन्छ ।

पोस्टरमा पृष्ठभूमिमा गाडीमा आगो लाग्नुका साथै कलेज गेट र भवन देखाइएको छ । विश्वविद्यालयमा हुने गुण्डाराजको विषयमा फिल्म बन्न लागेको हो । फिल्मको मुख्य भूमिकामा अभिनेता सलोन बस्नेत पनि अनुबन्धित भैसकेका छन् । यो फिल्म सलोनको होम प्रोडक्सन सलोन सलिना फिल्मस् प्रालीको ब्यानरमा निर्माण हुन लागेको हो ।

सलोन र सलिनमानले ‘ए मेरो हजुर २’ र ‘यात्रा’ पछि तेस्रो पटक सहकार्य गर्न लागेका हुन् ।