काभ्रेको पनौतीबाट नगदसहित ६ जुवाडे पक्राउ
सोमबार, साउन ०७, २०८१ | २०:२६:४२
काभ्रे । जिल्लाको पनौती नगरपालिका-७ स्थित पनौती बसपार्क पछाडी दुर्गा बहादुर घलानको घरमा जुवा तास खेलिरहेको अवस्थामा ६ जनालाई प्रहरीले पक्राउ गरेको छ ।
पक्राउ पर्नेमा घर धनी पनौती–७ बस्ने दुर्गा बहादुर घलान, पनौती नगरपालिका-६ बस्ने बुद्ध तामाङ, पनौती नगरपालिका-२ बस्ने सुकुराम तामाङ, दिपक हुमागाई, बेथानचोक गाउँपालिका-४ बस्ने नवराज तामाङ र खानीखोला गाउँपालिका-७ बस्ने सन्तलाल स्याङतान रहेका छन् ।
उनीहरुको साथबाट नगद २३ हजार ३५५ रुपैयाँ सहित १६१ पत्ति तास फेला परेको छ । जुवाडेहरुलाई नियन्त्रणमा लिई जिल्ला प्रहरी कार्यालय काभ्रेमा ल्याई थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
