एकीकृत समाजवादीको पोलिटव्यूरो सदस्यमा काभ्रेका तीन जना विजयी
बिहिबार, भाद्र १३, २०८१ | ८:०९:०५
काभ्रे । नेपाल कम्युनिस्ट पार्टी (एकीकृत समाजवादी) को पोलिटव्यूरो सदस्यमा काभ्रेबाट तीन जना विजयी भएका छन् । विजयी हुनेमा प्रदेश सांसद लक्ष्मण लम्साल, मण्डनदेउपुर नगरपालिकाका मेयर टोकबहादुर वाईवा र पूर्व सांसद विदुर सापकोटा रहेका छन् ।
पोलिटव्युरोमा ८४ जना विजयी हुनुपर्नेमा काभ्रेबाट लम्सालले १४८ मत ल्याएर २७ औं नंम्बरमा विजयी भएका हुन । त्यस्तै, १२८ मत ल्याएर टोकबहादुर वाईवा ४९ औं नंम्बरमा विजयी भए भने ११९ मत ल्याएर विदुरप्रसाद सापकोटा ६६ औं नंम्बरमा विजयी भए । काभ्रेका मुकुन्दप्रसाद गौतमले ४१ मत मात्रै पाए । उनी पराजित भए ।
प्राप्त मतपरिणाम अनुसार विरोध खतिवडाले सबैभन्दा बढी २०१ मत प्राप्त गरेर विजयी भएका छन् । यस्तै जीवनराम श्रेष्ठ १९५ र रमा आलेमगरले १९४ मत पाएका छन् । रामकुमारी झाँक्रीले १८२ पाएकी छन् ।
यो खबर पढेर तपाईलाई कस्तो महसुस भयो ?
