बनेपा महोत्सबमा फुलकन्टयाक्ट कराते प्रतियोगिता सम्पन्न

काभ्रे । बनेपा ब्वाइज क्लब (बीबीसी) को आयोजनामा उग्रेश्वर मन्दिर प्राङ्गणमा बनेपा महोत्सव-२०८१ पाचौं संस्करण क्योकुशिन सेइसिन ६० केजि तौल समुह बिबिसी फुलकन्टयाक्ट कराते प्रतियोगिता सम्पन्न भएको छ ।

शनिबार बनेपा महोत्सवको प्राङ्गणमा भएको कराते प्रतियोगिता नेपाल क्योकुशिन सेइसिन काइकान कराते संघ काभ्रे शाखाले आयोजना गरेको ६० केजी तौल समुहको प्रतियोगिता सम्पन्न भएको हो ।

प्रतियोगितामा बनेपा नगरपालिका-३ का सुजित गुरुङ (बनेपा डोजो) बाट प्रथम स्थान हासिल गर्न सफल भएका छन् । त्यसैगरी (आशापुरी डोजो) बाट बिशेष तामाड दोश्रो भएका छन् । प्रतियोगितामा नेपाल आर्मीका खेलाडी केशर नेपाली तेस्रो भएका छन् । प्रतियोगितामा ११ खेलाडी सहभागी रहेका थिए ।