काभ्रेमा सुन र पैसाको लोभमा आफ्नै आमाको हत्या (भिडियो सहित)
मंगलबार, कार्तिक २०, २०८१ | १५:०६:५५
काभ्रे । जिल्लामा आमाको हत्या गरेको आरोपमा छोरा पक्राउ परेका छन् । रोशी गाउँपालिका-३ भञ्ज्याङगाउँ बस्ने ६९ वर्षीया माइली लामाको हत्या गरेको आरोपमा उनका २८ वर्षीय छोरा फुर्साङ लामालाई प्रहरीले पक्राउ गरेको हो ।
कात्तिक १६ गते अपराह्न सवा ४ बजे माइली आफ्नो घरको भान्सामा मृत भेटिएकी थिइन् । फुर्साङले कोठामा सुतिरहेकी आमाको सुनको औँठी र नगदको लोभले सिलौटोको लोहोरोले हानेर अचेत बनाएको प्रहरीकाे अनुसन्धानबाट खुलेकाे छ ।
अचेत बनेकी आमालाई पुन: आग्लो प्रहार गरी हत्या गरेको आरोप उनीमाथि छ । घटनापछि उनी सुनको रिङ र नगद लिएर फरार भएका थिए । प्रहरीले घटनाबारे थप अनुसन्धान गर्न जिल्ला अदालतबाट ७ दिन हिरासतमा राख्न अनुमति पाएको छ ।
हेर्नुस् भिडियो:
यो खबर पढेर तपाईलाई कस्तो महसुस भयो ?
ट्रेन्डिङ
सम्बन्धित खबर
