काभ्रे । रसुवागढीमा बेलिवृज राख्नेबारे नेपाल र चीन सरकारबिच सहमति भएको छ ।
आज भौतिक पूर्वाधार तथा यातायात मन्त्रालयमा चीनका राजदूत चेन सोङसँग दसैँअघि बेलिब्रिज जडान गर्ने सहमति भएको हो ।
भौतिक पूर्वाधार तथा यातायात मन्त्रालयका सचिव केशवकुमार शर्माका अनुसार आज नेपालका लागि चिनियाँ राजदूत चेन सोङसँग छलफल भएको थियो । एकदमै सकारात्मक छलफल भएको र दसैँअघि बेलिब्रिज जडान गर्ने सहमति भएको छ ।
स्याफ्रुबेँसी–रसुवागढी सडक मर्मतको काम अन्तिम चरणमा पुगेको छ । सडक भोलि भित्र खुलाउने गरी काम भइरहेको सडक विभागले जनाएको छ ।
सडक विभागका सङ्घीय सडक सुपरिवेक्षण तथा अनुगमन कार्यालय प्रमुख तथा सुपरिटेन्डेन इन्जिनियर शुभराज न्यौपानेले शुक्रबारदेखि खुल्ने जानकारी दिए ।
