काभ्रे । चितवनमा जापानी इन्सेफ्लाइटिसबाट चार जनाको मृत्यु भएको छ। जिल्ला स्वास्थ्य कार्यालय चितवनका अनुसार भाद्र ६ गतेसम्म जिल्लामा दुई महिला सहित चार जनाको मृत्यु भएको हो। मृत्यु भएका व्यक्तिहरू मध्ये दुई जना भरतपुर महानगरपालिकामा, एक जना कालिका नगरपालिकामा र एक जना राप्तीमा छन्। मृतकको उमेर ७० देखि ८१ वर्षबीच रहेको छ।

जिल्ला स्वास्थ्य कार्यालय चितवनका प्रमुख दिनेश रुपाखेतीले जानकारी दिनुभयो कि साउन यता जिल्लामा १३ जना जापानी इन्सेफ्लाइटिस सङ्क्रमित भेटिएका छन्। बालबालिकाहरू पनि उच्च जोखिममा भए तापनि १५ वर्षमुनिका केवल दुई जना सङ्क्रमित छन्।

विश्व स्वास्थ्य सङ्गठनको मापदण्ड अनुसार एउटै वा छिमेकी वडामा दुई जना सङ्क्रमित भेटिएमा त्यसलाई महामारी मानिन्छ। यसअनुसार यस वर्ष भरतपुर, खैरहनी र कालिका नगरपालिकामा महामारीको जोखिम रहेको छ। नेपालमा हालसम्म यस वर्ष १३ जनाको मृत्यु भएको छ।

जनस्वास्थ्य कार्यालय चितवनका किट नियन्त्रक राम केसीले सबै पालिकालाई सतर्क रहन आग्रह गरेका छन्। कुनै पनि लक्षण देखिएलगत्तै बिरामीलाई नजिकको अस्पतालमा लगेर उपचार सुरु गर्नुपर्नेमा कार्यालयले जोड दिएको छ।