काठमाडौँ । राष्ट्रपति रामचन्द्र पौडेलले आगामी प्रतिनिधिसभा चुनावमा सरकारलाई आफ्नो सम्पूर्ण ध्यान केन्द्रित गर्न सल्लाह दिएका छन् । आज राष्ट्रपति भवन शीतल निवासमा आयोजित कार्यक्रमका क्रममा, राष्ट्रिय सुरक्षा परिषद्को आर्थिक वर्ष २०८१/८२ को वार्षिक प्रतिवेदन ग्रहण गर्दै राष्ट्रपति पौडेलले सरकारलाई चुनावलाई प्रभावित नगर्ने गरी कार्य गर्न आग्रह गरे। उनले प्रेस सल्लाहकार किरण पोखरेलमार्फत यसबारे जानकारी दिएका थिए ।
राष्ट्रपति पौडेलले नेपाली सेनासहितका सुरक्षा निकायलाई सुरक्षा व्यवस्थामा अत्यन्त तदारुकताका साथ ध्यान दिन निर्देशन दिएका थिए । यस अवसरमा, प्रधानमन्त्री र राष्ट्रिय सुरक्षा परिषद्का अध्यक्ष सुशीला कार्कीले २०८१/८२ को वार्षिक प्रतिवेदन राष्ट्रपति पौडेल समक्ष पेस गरिन् ।
राष्ट्रपति पौडेलले वर्तमान र भविष्यका सुरक्षा चुनौतीहरूलाई ध्यानमा राख्दै राष्ट्रिय सुरक्षा परिषद्ले आफ्नो जिम्मेवारी अझ प्रभावकारी रूपमा निर्वाह गर्ने विश्वास व्यक्त गरे ।
सिफारिस
