काठमाडौं । नेपाल राष्ट्र बैंकले आगामी एक वर्षका लागि २५ अर्ब रुपैयाँको ऋणपत्र निष्कासन गर्ने निर्णय गरेको छ।
राष्ट्र बैंकले ‘नेपाल राष्ट्र बैंक ऋणपत्र–२०८३ ‘घ’ उपकरणमार्फत ऋणपत्र निष्कासन गर्दैछ। यसको बोलकबोल प्रक्रिया मंगलबार मध्याह्न २ बजेसम्म अनलाइन प्रणालीमार्फत सञ्चालन हुने जनाइएको छ।
ब्याजदर पनि बोलकबोल प्रक्रियामार्फतै निर्धारण हुने छ, र यस ऋणपत्रको सावाँ आगामी २०८३ पुस २२ गते तोकिएको छ। ब्याज अर्धवार्षिक रूपमा भुक्तानी गरिनेछ।
बोलकबोल प्रक्रियामा ‘क’, ‘ख’, र ‘ग’ वर्गका बैंक तथा वित्तीय संस्थाहरू मात्रै सहभागी हुन सक्नेछन्। यी संस्थाहरूले न्यूनतम पाँच करोड र अधिकतम पाँच करोड रुपैयाँसम्म भाग लिन सक्नेछन्, र निःशेष रकम उपलब्ध भएमा उनीहरूले आह्वान रकम अनुसार बोलकबोल गर्न सक्नेछन्।
