काभ्रे। संकल्प विद्यार्थी क्लबको आयोजनामा अन्तरविद्यालय फुटसल प्रतियोगिता सुरु भएको छ। दुई दिनसम्म सञ्चालन हुने प्रतियोगितामा विभिन्न विद्यालयका २४ वटा टोलीले सहभागिता जनाएका छन्।
विद्यार्थीहरूमा खेलकुदको विकास, अनुशासन, नेतृत्व क्षमता र आपसी भाइचाराको भावना अभिवृद्धि गर्ने उद्देश्यले आयोजना गरिएको प्रतियोगितामा उपाधिका लागि टोलीहरूबीच रोमाञ्चक प्रतिस्पर्धा हुने अपेक्षा गरिएको आयोजकले जनाएको छ।
प्रतियोगिताको विजेता टोलीले नगद ३० हजार रुपैयाँसहित ट्रफी र मेडल प्राप्त गर्नेछ भने उपविजेता टोलीलाई नगद १५ हजार रुपैयाँसहित ट्रफी र मेडल प्रदान गरिनेछ।
दुई दिनसम्म सञ्चालन हुने प्रतियोगितामा विद्यार्थी, शिक्षक तथा खेलप्रेमीहरूको उल्लेखनीय सहभागिता रहने विश्वास आयोजकले व्यक्त गरेको छ।
